پارێزگارێ دهۆكێ ب گوژمێ پتری پێنج ملیار دیناران پڕۆژە ڕەوانەی بجهـئینانێ كرن
د. عەلی تەتەر، پارێزگارێ دهۆكێ دوهی 7/10/2024 ب گوژمێ پێنج ملیار و ٣٠٨ ملیۆن و ٤٣٤ هزار دیناران چەندین پڕۆژەیێن خزمەتگوزاری بۆ سەنتەر و سنوورێن دەڤەرداریێن ئاكرێ و بەردەڕەشێ و سێمێلێ و دهۆكێ و ناوچەداریێن كەلەك، ڕوڤیا، دارەتۆ، بجێل، دینارتە، گردەسێن، زاویتە و فەیدیێ ڕەوانەی قووناغا بجهـئینانێ كرن.
پڕوژەیێن دوهی پارێزگارێ دهوكێ ڕەوانەی قووناغا بجهـئینانێ كرین پێك دهێن ژ: پڕۆژەیێن سەخبێركرن و قێركرن و كۆنكریتكرنا جاددەیان، چێكرنا سۆلینان، پڕۆژەیێن كۆلانا بیرێن ئاڤێ و گەهاندنا كارەبا بەردەوام و دانانا تۆڕێن ئاڤێ و گوهۆڕینا تۆڕێن ئاڤێ و دانانا ستۆنا و ڕوناهیكرنا جاددەیان و چێكرنا یاریگەهێن تەپاپێی و دابینكرنا پێدڤیێن یارگەهان و دابینكرنا موەلیدێن كارەبێ بۆ چەندین گوندان و دروستكرنا كەسكاتی و سیسەمێ ئاڤدانێ و پڕۆژەیێن سێكتەرێ كارەبێ.
