پارێزگارێ دهۆكێ بەرێ بنیاتی بۆ كۆمەكا پڕۆژەیان ل دەڤەرداریا شێخان دانا
بەردەوامیدان ب گەهاندنا پڕۆژەیێن خزمەتگوزاری بۆ هەموو دەڤەران، د. عەلی تەتەر، پارێزگارێ دهۆكێ و ب ئامادەبوونا سالح حەیدەر، بەرپرسێ لقێ 20 یێ پارتی ل شێخان و سەردار یەحیا، دەڤەردارێ شێخان و چەندین رێڤەبەرێن پەیوەندیدار دوهی 8/10/2024 بەرێ بنیاتی بۆ چێكرنا كۆمەكا پڕۆژەیان ل سنوورێ دەڤەرداریا شێخان ب گوژمێ پێنج ملیار دیناران دانا، كو ژ ڤان پڕۆژەیان پێك دهێن: (چێكرنا رێكێن ناڤخوەیی ل سنوورێ شێخان و رێكێن تاخێ 75 ل قەسرۆكێ و چێكرنا رێكێن ناخوەیی ل كەلەكچی و باعەدرێ، كۆلانا بیرا و چێكرنا تۆڕێن ئاڤێ ل ناوچەداریا ئەترووش و گوندێ دیدەڤان و گوندێ باسكەدێرێ، چیكرنا یاریگەهەكا 11 یاریكەری ل كۆمەلگەها چڕەی و ئاڤاكرنا قوتابخانەكا شەش رێزی ل گوندێ كیسقەلعە، گەهاندنا كارەبێ بۆ كەڤنە كەلێ و رۆناهیكرنا جۆتسایدێ پەرستگەها لالشێ و چێكرنا رێكێن پیادە ل گەل مینۆمێنتا شكەفتا دەكان).
پارێزگارێ دهۆكێ دیار كر، ل دوڤ راسپاردێن مەسرور بارزانی، سەرۆكێ حوكمەتا هەرێما كوردستانێ كاروانێ ئاڤەدانیێ دێ یێ بەردەوامبیت و ل رۆژێن بهێن ژی بەرێ بنیاتی بۆ هەژمارەكا پڕۆژەیێن نوو ل شێخان دێ هێتە دانان.
هەژی گۆتنێ یە، د پێنج سالێن بۆری دا، حوكمەتا هەرێما كوردستانێ ب گوژمێ پتری 220 ملیار دیناران پڕۆژە ل سنوورێ دەڤەرداریا شێخان ئەنجامداینە.
