زاخۆ ھاتە سزادان
ئەڤرۆ نیوز، قەیس ئیسماعیل:
ئێکەتیا تەپا پیا کۆردستانێ یانا زاخۆ ب کۆژمێ 500 ھزار دینارا سزادا ژ بوو کۆنترۆلنەکرنا جەماوەرێ خوە و ھاڤیتنا پتلێن ئاڤێ ل سەر یاریکەر و سەرپەرشتیارا،د ھەمان دەم دا ئاگەھداریا یانا زاخۆ ھاتە کرن ئەگەر ئەف حالەتە دووبارە بۆ یاریێن زاخۆ دێ ھێنە ڤەگوھاستن بۆ ژدەرڤەی یاریگەھا وێ، دووماھی یاریا زاخۆ د گەل یانا دھۆک بوو و تێدا بێ گول وەکەھەڤ بوون.
ژ لایەکێ دی ڤە ئێکەتیا تەپا پێی دیارکر ئەو دادڤانێن سەرنەکەفتێن د تاقیکرنێن شیانین لەشی مافێ رێڤەبرنا یاریێن خولا کوردستانێ نینە، تاقیکرنێن کوپەر بەری دەستپێکرنا خولا کۆردستانێ قووناغا دویێ ھاتنە کرن.
