رزگاربوویێن ئێزدی دشێن پارەی بۆ ئاڤاكرنا خانی و پڕۆژەیان وەربگرن
لەزگین جوقی:
بڕیار هاتیەدان ئێزدی پارە ب قەر بۆ رزگاربوویان بهێتەدان، ب تایبەتی بۆ ئاڤاكرنا خانی و چێكرنا پڕۆژەیان.
سەراب ئەلیاس، ڕێڤەبەرا گشتی یا كاروبارێن رزگاربوویێن ئێزدی ل وەزارەتا كار و كاروبارێن جڤاكی یا حكومەتا ئیراقێ ڕاگەهاند، دو جۆرە قەر دێ ب ڕزگاربوویێن ئێزدی هێنەدان، ب تایبەت كچ و ژنێن ڕزگاربووی و گۆت: «هەمی رزگاربوویێن ئێزدی دشێن پارەی بۆ ئاڤاكرنا خانی و گوژمێ 20 هەتا 60 ملیۆن دیناران وەربگرن بۆ چێكرنا پڕۆژەیان».
گۆتژی: «هەر كەسەكێ قەران وەربگریت، ئەو قەرە د دو سالێن پشتی وەرگرتنێ دا ناهێنە داخازكرن، لێ پێدڤیە د پێنج سالان دا ئەو قەرە بهێنە زڤڕاندن».
