هاریكاری ل سەر خۆبەخشێن ساخلەمیا دهۆكێ هاتنە بەلاڤكـرن
دهوك، لەزگین جوقی:
بەرپرسێ پشكا پەیوەندیان ل لقێ ئێك یێ پارتی دیموكراتی كوردستان بۆ رۆژناما ئەڤرۆ دیار كر، فەرماندە مەنسو ربارزانی ل سەر خوبەخشێن ساخلەمیا پارێزگەها دهۆكێ هاتنە بلاڤكرن.
زوبیر عەبدوللا، كارگێری لقێ ئێك و بەرپرسێ پشكا پەیوەندیان ل لقێ ئێك یێ پارتی دیموكراتی كوردستان گۆت: «خوبەخشێن ساخلەمیا پارێزگەها دهۆكێ رۆلەكێ گرنگ د خزمەتكرنا وەلاتیان دا هەبوویە، دیسا د شەرێ دژی تیرۆرستێن داعشێ دا و ل سەردەمێ بەلاڤبوونا كورۆنایێ هەتا نوكە، دیسا خوبەخشێن ساخلەمیێ خزمەتێ د ناڤ دام و دەزگەهێن ساخلەمیا پارێزگەها دهۆكێ دا دكەن، ئەڤ خوبەخشە پیشمەرگەه بووینە بۆ پاراستنا ساخلەمیا خەلكی، ئەم ب فەر دبینین هەمی دەمان پشتەڤانیا كەسێن خوبەخش بكەین».
د. ئەفراسیاب موسا، رێڤەبەرێ گشتیێ ساخلەمیا پارێزگەها دهۆكێ دیار كر، هندەك خوبەخش هەنە دەمێن درێژن خزمەتێ دكەن و گۆت: «ئەم د خوازین خوبەخش بهێنە دامەزراندن، د ڤی بیاڤی دا گەلەك بزاڤ یێن هاتینە كرن و دێ بەردەوام بین هەتا مافێن خوبەخشان بهێنەدان، داكو باشتر خزمەتا كەرتێ ساخلەمیێ بكەن، لقێ ئیك دەنگێ خوبەخشان گەهاندیە فەرماندە مەنسور بارزانی و ئەڤ هاریكاریە بۆ خوبەخشان دابین كر».