لقێ هەژدە پتری 200 كەسان ل ئامێدیێ خەلاتكرن
ل ژێر چاڤدێری و ب بەرهەڤبوونا بەرەڤان حەمدی، بەرپرسێ لقێ 18 یێ پارتی ل ئامێدیێ و وارشین سەلمان، دەڤەردارێ ئامێدیێ و بەرپرسێن حزبی و ڕێڤەبەرێن دام و دەزگەهێن میری و تەخ و چینێن جودا، ڕێورەسمەك ژ بۆ ڕێزلێنانێ ل 200 دكتۆر، خانەنشین، قوتابی و قوتابخانەیان ل هولا شەهید بەهجەت نایف ل ئامێدیێ هاتە گێڕان.
بەرەڤان حەمدی د پەیڤەكێ دا گۆت: «ئارمانج ژ ڤێ چالاكیێ ڕێزلێنانە ل ڕێژەكێ ژ ئەوێن ب دەهان سالان خزمەتا خەلكێ خوە كری و ئەوێن د هند بیاڤان دا ل سەر ئاستێ دەڤەرێ یان پارێزگەهێ یان هەرێمێ یان جیهانێ پلێن باش ب دەستڤە ئیناین، ئەڤێ چەندێ ب ئەركێ خۆ دزانین و دێ بەردەوامی ب پرۆسێ هێتەدان».
ناڤهاتی گۆتژی: «چاوا مامۆستا كار دكەت بۆ سەركەفتنا قوتابیێ خوە، قوتابی خوە ماندی دكەت بۆ سەركەفتنەكا هەری باش، پێدڤییە ئەم ژی ب هەمی شیانان كار بكەین ژ بۆ سەركەفتنا گەلێ خوە و پاراستنا قەوارێ هەرێمێ ژ بۆ مسوگەركرنا پاشەرۆژەكا گەشتر و دەستكەفتێن مەزنتر».
