پشكا سۆتنێ ل نەخوەشخانەیا زاخۆ یا گشتی هاتە ڤەكرن
زاخۆ، دلۆڤان هالۆ:
دوهی 16/10/2024 ب بەرهەڤبوونا سەرپەرشتێ ئیدارا سەربخوە یا زاخۆ، پشكا سۆتنێ ل نەخوەشخانا زاخۆ یا گشتی هاتە ڤەكرن.
گوهدار شێخۆ د كۆنگرەیەكێ ڕۆژنامەڤانی دا دیار كر كو ژ بۆ پتر خزمەتكرنا خەلكێ دەڤەرێ د بیاڤێ ساخلەمیێ دا و بۆ جارا ئێكێ پشكا سۆتنێ ل نەخوەشخانا زاخۆ یا گشتی هاتە ڤەكرن.
گوهداری گۆت: «ل سەر ڕاسپاردەیا مەسرور بارزانی، سەرۆكێ حكومەتا هەرێما كوردستانێ، ل سنوورێ ئیدارەیا سەربخوە یا زاخۆ خزمەتگوزاری د هەموو بیاڤان دا هاتینە پێشكێشكرن».
ڕێڤەبەریا ساخلەمیا گشتی یا زاخۆ ژی ئاشكرا كریە كو ڤەكرنا ڤێ پشكێ دێ مفای گەهینیتە وەلاتیێن زاخۆ، هەر كەسێ تووشی ڕوودانەكا سۆتنێ دبیت دێ چارەسەریێ ل ڤێ پشكێ وەرگریت.
