پشتی گەهشتنا هاریكاریێن سەرۆك بارزانی، دەست ب چێكرنا لەپێن چێکری بۆ پەككەفتیان هاتە كرن
دهوك، لەزگین جوقی:
رێڤەبەرێ سەنتەرێ نەخۆشیێن گەهان و ڤەژاندنا نۆشدارییا سەر ب رێڤەبەریا گشتی یا ساخلەمیا پارێزگەها دهۆكێ دیار كر، پشتی گەهشتنا هاریكاریێن سەرۆك بارزانی، ب رێكا فەرماندە مەنسور بارزانی بۆ سەنتەرێ نەخۆشیێن گەهان و ڤەژاندنا نۆشداری ل دهۆكێ، ئێكسەر وان دەست ب دابینكرنا پێدڤیێن سەنتەری كر و نوكە دەست ب كاری هاتە كرن.
د. بلند حەسەن شەرەف، رێڤەبەرێ سەنتەرێ نەخۆشین گەهان و ڤەژاندنا نۆشداری گۆت: «پەلێن دەستكرد هاتنە دروستكرن و ل دەسپێكێ مە بۆ پێشمەرگەیێن سەنگەران دەسپێكر و دێ خزمەتا هەموویان كەین، دێ بەردەوام بین قووناغ بۆ قووناغ هەتا بۆ هەمی كەسێن پێدڤی دهێنە دروستكرن».
گۆتژی: «ئەڤ هاریكاریە دێ پێدڤیێن مە یێن سەنتەری بۆ دەمێ سال و نیڤا پڕكەن، ژ بەركو پشتەڤانیەكا باش بۆ مە هاتیە كرن و دێ شێین هەمی پێدڤیێن خۆ پێ دابین بكەین».
