رۆسیا: دڤێت ئدلبێ ژ گرۆپێن چەکدار پاقژ بکەین
پەیڤدارا وەزارەتا دەرڤە یا رۆسیا راگەهاند بەری دو رۆژان فرۆکێن شەڕی یێن رۆسیا و سووریێ پێکڤە ل ئدلبێ ئێرشی بنگەهێن سەربازی یێن گرۆپێن چەکدار کرینە و د ئەنجاما ئێرشێ دا ب دەهان چەکدار هاتینە کوشتن و بریندار بووینە و ئێرشێن وان یێن ل دژی گرۆپێن چەکدار دێ بەردەوام بیت.
ماریا زاخارۆڤا ئەو یەک ژی دیار کر، وەکو رۆسیا وان دڤێت ل سووریێ دەست ب قۆناغەکا نوو بهێتە کرن، دڤێت گرۆپێن چەکدار یێن توندرەو ل ئدلبێ و دەڤەرێن دی یێن سووریێ نەمینن، دڤێت د ڤێ دەربارێ دا تورکیا ژی یا پێدڤی بکەت، چونکی دەم یێ هاتی ل سووریێ دەست ب قۆناغا چارەسەریا سیاسی بهێتە کرن، هەبوونا گرۆپێن چەکدارێن توندرەو ل سووریێ ب چو رەنگەکێ ناهێتە قەبوول کرن و دڤێت گرۆپێن چەکدار ل ئدلبێ و دەڤەرێ دی نەمینن و رۆسیا د ڤێ دەربارێ دا دێ هاریکاری شامێ کەت.
