ئیران: دێ ب توندی بەرسڤا هەر ئێرشەکێ دەین
عەباس عێراقچی وەزیرێ دەرڤە یێ ئیرانێ راگەهاند، هەکە ئسرائیلێ بڤێت ئێرشی هەر جهەکێ ل ئیرانێ بکەت ل هەمبەر دا ئیرانێ دێ ب توندی بەرسڤا ئسرائیلێ دەت و ئیران دێ زیانێن گەلەک مەزن ژی گەهینتە ئسرائیلێ و ژ بەر ڤێ یەکێ ژی دڤێت بەرپرسێن ئسرائیلێ چو شاشیێن وەسا نەکەن، چونکی ئەو یەک دێ گەلەک ب گرانی ل سەر وان راوەستیت.
وەزیرێ دەرڤە یێ ئیرانێ ئەو یەک ژی دیار کر، ئسرائیل رۆژانە تاوانێن مەزن ل دژی خەلکێ فەلەستینێ و لوبنانێ ئەنجام ددەت و مخابن وەلاتێن ئیسلامی هەتا نها ل هەمبەر تاوانێن ئسرائیلێ ئێک هەلوەست نینن و ئەمریکا ژی نەشیایە نەتانیاهۆیی رازی بکەت دا دەست ژ ئێرشێن خوە یێن بۆ سەر وەلاتیێن سڤیل بەردەت و مخابن رۆژانە وەلاتیێن سڤیل دبنە قوربان، لێ وەکو ئیران ئەو ل هەمبەر هەر ئێرشەکا ئسرائیلێ بێدەنگ نامینن و دێ بەرسڤا وان گەلەک یا توند بیت.
