بەرێ بنیاتی بۆ كۆمەلگەهەكا گەشتیاری ل زاخۆ هاتە دانان
زاخۆ، دلۆڤان هالۆ:
ب چاڤدێریا گوهدار شێخۆ، سەرپەرشتێ ئیدارەیا سەربخوە یا زاخۆ، ب گوژمێ 25 ملیۆن دۆلاران بەرێ بنیاتی بۆ كۆمەلگەها سەرچنار یا گەشتیاری و بازرگانی هاتە دانان.
گوهدار شێخۆ، د كۆنگرەیەكێ ڕۆژنامەڤانی دا دیار كر كو كەرتێ تایبەت و وەبەرهێنانێ رۆلەكێ باش و بەرچاڤ ل زاخۆ دیتییە و گۆت: «ئەم خوەشحالین ب دانانا بەرێ بنیاتی بۆ ڤی پڕۆژەیێ گرنگ ل زاخۆ، كو دێ بیتە ئەگەرێ پەیداكرنا ب سەدان دەلیڤەیێن كاری بۆ وەلاتیێن مە ل دەڤەرێ».
گۆتژی: «ل سەر ڕاسپاردەیا مەسرور بارزانی، سەرۆكێ حوكمەتا هەرێما كوردستانێ، پێشكێشكرنا خزمەتگوزارییان ل سنوورێ ئیدارەیا سەربخوە یا زاخۆ بەردەوامە».