مە پێدڤی ب قۆناغەکا نوو هەیە
ئەفکان ئالا سەرۆکێ فراکسیۆنا ئاکپارتیێ ل پەرلەمانێ تورکیا سەبارەت ب دەستپێکرنا قۆناغەکا نوو یا ئاشتیێ ل تورکیا بۆ دەزگەهێن راگەهاندنێ دیار کر، وەکو ئاکپارتی وان بەری نها ژی کار ژ بۆ چارەسەرکرنا پرسا کوردی ل تورکیا کرینە و نها ژی دەم یێ هاتی ئەو پێکڤە کار بکەن، دڤێت پارتا دەم ژی ببیتە پشکەک ژ قۆناغا نها، لێ گەلەک یا گرنگە پارتا دەم وەکو پارتەکا سیاسی یا تورکیا کار بکەت و دڤێت خوە ژ رێکخستنا پەکەکێ دوور بکەت، چونکی هەتا ئەو یەک نەهێتە کرن پارتا دەم نەشێت ببیتە هێزەکا سیاسی بۆ ئاشتیێ و چارەسەریێ.
ناڤهاتی ئەو یەک ژی دیار کر، وەکو ئاکپارتی ئەو کار بۆ گوهۆڕینا دستوورێ نها یێ تورکیا دکەن، چونکی دستوورێ نها بەرهەمێ کۆدەتایەکا سەربازی یە و پێدڤیا تورکیا ب دستوورەکێ نوو و دیموکراتی هەیە، دڤێت هەموو هێزێن سیاسی ل تورکیا کار بۆ دستوورەکێ نوو بکەن، چونکی وان دڤێت دستوورێ نوو ببیتە ژێدەرێ چارەسەریا هەموو پرسێن نها یێن تورکیا.
