ئیران: مە خوە بۆ هەر پێشهاتەکێ بەرهەڤ کریە
عەباس عێراقچی وەزیرێ دەرڤە یێ ئیرانێ راگەهاند، وەکو ئیران وان گەلەک بزاڤ کرن کو شەڕێ نها ل دەڤەرێ بەرفرەهتر لێ نەهێت، ژ بەر ڤێ یەکێ ژی وی سەرەدانا گەلەک وەلاتێن رۆژهەلاتا ناڤین کر و پەیاما ئیرانێ گەهاندە هەر ئالیەکێ کو ئیرانێ شەڕ نەڤێت، لێ دیارە ئسرائیلێ دڤێت ئێرشی هندەک دەڤەران ل ئیرانێ بکەت، هەکە ئسرائیل کارەکێ وەسا بکەت وی دەمی دێ شەڕەکێ بەرفرەه ل دەڤەرێ روو دەت و ئیرانێ ژی خوە بۆ وی شەڕی و هەر پێشهاتەکێ ژی بەرهەڤ کریە.
ناڤهاتی ئەو یەک ژی دیار کر، مخابن ئەمریکا و وەلاتێن دی یێن رۆژئاڤایی ژی کو رۆژانە بەحسێ ئاشتیێ دکەن ژ بۆ راگرتنا شەڕێ نها چو نەکرن و دیارە ئەو پشتەڤانیێ ل ئسرائیلێ دکەن، لێ ئیرانێ خوە بۆ هەر ئەگەرەکێ بەرهەڤ کریە و هەر ئێرشەکا ئسرائیلێ ژی دێ بیتە ئەگەرێ شەڕەکێ بەرفرەه ل رۆژهەلاتا ناڤین.
