نەتەوەیێن ئێکگرتی ژ هەلوەستێ ئسرائیلێ نەرازیە
فەرحان حەق جێگرێ پەیڤدارێ سکرتێرێ گشتی یێ نەتەوەیێن ئێکگرتی راگەهاند پڕانیا کەسێن کو ل غەزە ب دەستێ ئسرائیلێ هاتینە کوشتن ژن و زارۆ نە، مخابن نها ژی رۆژانە ئسرائیل وەلاتیێن سڤیل ل غەزە دکوژیت و هەروەسا ئسرائیل رێ نادەت نەتەوەیێن ئێكگرتی و سازیێن دی یێن مافێن مرۆڤی هاریکاریێن مرۆڤی بگەهیننە دەستێ کەسێن لێقەومی ل غەزە، ئەو یەک ژی بنپێکرنا مافێن مرۆڤی یە و دڤێت ئسرائیل رێ بدەت دا ئەم بشێین هاریکاریێن مرۆڤی بگەهیننە دەستێ خەلکێ سڤیل ل غەزە.
ناڤهاتی ئەو یەک ژی دیار کر، وەکو نەتەوەیێن ئێکگرتی ئەو ژ هەلوەستێ ئسرائیلێ دلگرانن، چونکی نابیت وەلاتیێن سڤیل ل غەزە رۆژانە ژ برسان بمرن، مخابن یا نها ل غەزە روو ددەت کارەساتەک گەلەک مەزنە و دڤێت ئسرائیل ئێرشێن خوە یێن ل سەر غەزە بدەتە راگرتن دا نەتەوەیێن ئێکگرتی و سازیێن دی یێن مافێن مرۆڤی بشێن هاریکاریا خەلکێ لێقەومی ل غەزە بکەن.
