کوردەک بۆ جارا سێیێ دبیتە ئەندامێ پەرلەمانێ گورجستانێ
رۆژا ٢٦ ڤێ مەهێ هەلبژارتنێن پەرلەمانێ گورجستانێ هاتنە کرن و پارتا ئومێد یا وی وەلاتی شیا پڕانیا کورسیێن پەرلەمانی بدەستڤە بینیت، پرانیا هێزێن سیاسی ل وی وەلاتی دبێژن دڤێت گورجستان ببیتە ئەنداما ئێکەتیا ئۆرۆپا و نەکەڤیتە ژێر کاریگەریا سیاسەتا رۆسیا.
د هەلبژارتنێن پەرلەمانێ گورجستان دا ئیسکۆ داسنی جارەکا دی وەکو ئەندامێ بۆ جارا سیێ وەکو ئەندامێ پەرلەمانێ گورجستانێ شیا دەنگێن پێدڤی بدەستڤە بینیت.
پشتی سەرکەفتنا خوە ژی ناڤهاتی بۆ دەزگەهێن راگەهاندنێ دیار کر، ژ بەر شەڕێ نها د ناڤبەرا رۆسیا و ئۆکرانیایێ دا دڤێت گورجستان پتر خوە نێزیکی ئێکەتیا ئۆرۆپا بکەت و ئەو کەیفخوەشە کو وەکو کوردەک بۆ جارا سیێ یە دبیتە ئەندامێ پەرلەمانێ گۆرجستانێ و دێ ل گەل هەڤالێن خوە یێن دی دەست ب بزاڤەکا مەزن کەن دا گورجستان نەبیتە پشکەک ژ ئالۆزیێن نها یێن د ناڤبەرا رۆسیا و ئۆکرانیا دا و دڤێت گورجستان ببیتە ئەنداما ئێکەتیا ئۆرۆپا.
