رێڤەبەرییا هاتنوچوونا شێخان بۆ شۆفێران: رێیا د ناڤبەرا دهۆكێ و بەدریكێ دا بۆ شێخان ب كاربینن
رێڤەبەرییا هاتنوچوونا دەڤەرداریا شێخان ئاگەهداریا شۆفێران دكەت، كو كاركرن ل پڕۆژەیێ دروستكرنا جۆتسایدێ د ناڤبەرا پارێزگەها دهۆكێ بۆ باعەدرێ دا یێ بەردەوامە و نوكە كاركرن ل گەلیێ دێركێ دەستپێكریە و جاددە بەرتەنگ بویە، ژ بۆ سلامەتیا گیانێ وەلاتیا و شۆفێران هیڤییە ئاگەهداربن.
رێڤەبەرییا هاتنوچوونا دەڤەرداریا شێخان داخوازێ ژ شۆفێران دكەت، كو هاتنوچوونێ ل جاددا پێگهور بكەن د ناڤبەرا پارێزگەها دهۆكێ و زالگەها بەدرێكێ دا بۆ شێخان، داكو گیانێ وان یێ پاراستی تربیت و هاتنوچوونا وان ژی ب ساناهیتربیت و مەترسی ل سەر گیانێ وان كێمتر بیت.
