بەرهەمێ ناڤخوە ل زاخۆ گـران بوویـە
زاخۆ، دلۆڤان هالۆ:
ل ئیدارەیا سەربخوە یا زاخۆ، بەرهەمێ ناڤخوە یێ كەسكاتیێ وەكو خیار و باجان و پتات و پیڤاز گران بووینە.
بارزان سندی، ئێك ژ خودانێن گۆمركێن زاخۆیە بۆ ڕۆژناما ئەڤرۆ دیار كر كو ژ ئەگەرێ كێمبوونا بەرهەمێ ناڤخوە و قەدەغەكرنا بەرهەمێ ژ دەرڤە، بەرهەمێن كەسكاتیێ وەكو خیار و باجان و پتات و پیڤاز گران بووینە و گۆت: «بهایێ وان كەسكاتیان ب ڕێژا 40 هەتا 50% گران بوویە، بۆ نموونە: باجان و پیڤاز پێشتر كیلۆ ب 500 دیناران بوو، لێ نوكە ب 900 دینارانە، خیار ب 500 دیناران بوو، لێ نوكە بوویە هزار دینار، پتات ب 450 دیناران بوو، لێ نوكە بوویە 850 دینار».
گۆتژی: «ژ بەركو كەسكاتی ب گرانی بۆ مە دهێت، ئەم ژی نەچارین ب گرانی بدەینە دكانداران، دكاندار ژی نەچارن ب گرانی بدەنە وەلاتیان، بۆ نموونە: ئەڤ كەسكاتیە ل سەر وەلاتیان ب هزار و 500 دیناران د ڕاوەستیت».
