ب بەرهەڤبوونا پارێزگارێ دهۆكێ هزار و 59 پارچەیێن ئەردی ل ئاكرێ هاتنە بەلاڤكرن
ئاكرێ، رەمەزان زەكەریا:
د. عەلی تەتەر، پارێزگارێ دهۆكێ دوهی 30/10/2024 سەرا دەڤەرداریا ئاكرێ دا و ژ لایێ د. دلاوەر بوزۆ دەڤەردارێ ئاكرێ پێشوازی لێ هاتە كرن و د هەڤدیتنەكێ دا ب ئامادەبوونا مەردان خدر، بەرپرسێ لقێ نەهێ پارتی ل ئاكرێ بەحسێ رەوشا دەڤەرا ئاكرێ و پێدڤیێن خەلكێ دەڤەرێ ب پڕۆژەیێن خزمەتگوزاری ب گشتی هاتە كرن.
پاشی ل هولا رەوشەنبیری و هونەری یا ئاكرێ ب بەرهەڤبوونا پارێزگارێ هۆكێ و لایەنێن پەیوەندیدار و د رێورەسمەكێ تاییەت دا هزار و 59 پارچەیێن ئەردی ل سەر پێشمەگەی و خانەنشینێن پێشمەرگەی و زیندانیێن سیاسی و فەرمانبەر و پەككەفتییان، وكو قووناغا ئێكێ هاتنە بەلاڤكرن.
پارێزگارێ دهۆكێ پیرۆزباهی ل وان هەموو وەلاتییان كر یێن پارچەیێن ئەرد ب رێكا پشككێشانێ وەرگرتین و گۆت: «ل هەیڤێن بهێن ئەو ناڤێن ماین و رازیبوونێن فەرمی وەرگرتین، پارچەیێن ئەردی ب یەكسانی و دادپەروەری ل سەر دێ هێنە بەلاڤكرن».
دیسا هەر دوهی 30/10/2024 ل ئاكرێ د. عەلی تەتەر، پارێزگارێ دهۆكێ سەرا زانكۆیا ئاكرێ بۆ زانستێن كرداری دا و ژ لایێ پرۆفیسۆر دكتۆر مەنهەل ئیلهام عەبدال، سەرۆكێ زانكویێ و جڤاتا زانكۆیێ پێشوازی لێ هاتە كرن و د دیدارەكێ دا بەحسێ رەوشا زانكۆیا ئاكرێ و ئەو خزمەتێن د بیاڤێن زانستی و ئەكادیمی دا پێشكێش دكەت و پێدڤیێن سەرەكی یێن زانكۆیا ئاكرێ، نەخاسمە ژ لایێ چێكرنا ئاڤاهیان ڤە هاتە كرن.
