ئسرائیل خوە بۆ شەڕەکێ مەزن بەرهەڤ دکەت
ل گۆر راپۆرتەکا ئاژانسا رویترز د چەند رۆژێن بۆری دا د کۆمبوونا جڤاتا وەزیرێن ئسرائیلێ دا مەزنترین بۆدجە د دیرۆکا وی وەلاتی دا بۆ لەشکری و دەزگەهێ هەوالگریێ هاتیە تەرخان کرن و ئەو یەک ژی نیشا ددەت ئسرائیل خوە بۆ شەڕەکێ مەزن بەرهەڤ دکەت.
هەمان ئاژانسێ ئەو یەک ژی دیار کریە، پشتی غەزە و لوبنانێ نها ئسرائیلێ دڤێت ل سووریێ و عێراقێ ژی بەرسڤا دوژمنێن خوە بدەت و هەروەسا ئسرائیل بەرهەڤیێن مەزن ژی دکەت هەر ئێرشەک ل سەر ئاخا عێراقێ ژ ئالیێ گرۆپێن چەکدار یێن سەر ب ئیرانێ ڤە بهێتە کرن ئەو دێ ب توندی بەرسڤا ئێرشێن وان دەت.
ئەو یەک د د دەمەکێ دایە کو بەری دو رۆژان بەرپرسێن ئەمریکا دیار کرن ئیران بەرهەڤیان دکەت ژ ئاخا عێراقێ ئێرشی ئسرائیلێ بکەت و هەکە کارەک وەسا بهێتە کرن ئەو یەک دێ بیتە ئەگەرێ روودانا شەڕەکێ مەزن ل دەڤەرێ.
