سەربەست لەزگین سەرەدانا لقێ 18 یێ پارتی ل ئامێدیێ كر
ئامێدیێ، مەحمود نهێلی:
سەربەست لەزگین بەرپرسێ مەكتەبا ڕێكخستنا پارێزگەها دهۆكێ یا پارتی ب هەڤالینیا سەباح بەیتوللا، هاریكارێ بەرپرسێ مەكتەبێ و تەیمور تەیمور، بەرپرسێ پشكا دارایی، سەرەدانا لقێ 18 یێ پارتی ل ئامێدیێ كر و ژ لایێ بەرەڤان حەمدی، بەرپرسێ لقێ و دەستەیا كارگێریڤە پێشوازی لێ هاتە كرن.
د روونشتنەكێ دا ل هۆلا لقێ، بەرپرسێ مەكتەبێ دەستخوەشی ل ستافێ لقێ و هەموو ئەندام و لایەنگران كر، بۆ وی كارێ دلسۆزانە و ڕێكخستی یێ بوویە ئەگەرێ ڤێ سەركەفتنا مەزنا پارتی و بلندكرنا ڕێژەیا دەنگان ب ڕەنگەكێ مەزن، ب تایبەت ل سنوورێ لقێ 18 كو تشتەكێ دیرۆكییە و گەلەك ژ ئەوا چاڤەرێكری زێدەتر بوو، هەر ب ڤێ هەلكەفتێ ڕێز و سوپاسیێن خوە ئاراستەی هەموو دەنگدەران و خەلكێ دەڤەرێ كر و گۆت: «ئەڤ هەلویست و كارە ژ خەلكێ دەڤەرەكا كوردپەروەر و وەفادارێن ڕێبازا بارزانی دهاتە چاڤەرێكرن».
ژ لایێ خوە ڤە بەرپرسێ لقێ 18 سوپاسیا سەربەست لەزگین و مەكتەبا ڕیكخستنێ كر بۆ وێ هاریكاری و هەماهنگی و پشتەڤانیا بەروەدام و گۆت: «بۆ هەلبژارتنێن داهاتی ب هەمان رۆحیەت و پلانێن باشتر دێ كار ژ بۆ بەردەوامیدان ب سەركەفتنێ و زێدەكرنا دەنگان كەین».
