چـەندین هـزار سـەربازێن کۆریا باکـور ل رۆسیا نە
وەزارەتا بەرگریێ یا ئەمریکا دیار کر ١٢ هزار سەربازێن کۆریا باکور ژ بۆ شەڕێ ئۆکرانیایێ نها ل رۆسیا نە و ئامادەکاریان دکەن دا بچنە بەرەیێن شەڕی، ئەو یەک ژی دێ هەڤسەنگیا هێزێ ب تەمامی گوهۆڕیت و بێگومان دێ بیتە ئەگەرێ گوهۆڕینێن نوو ل سەر ئاستێ جیهانێ.
وەزارەتا بەرگریێ یا ئەمریکا ب توندی هۆشداریێ ژی ددەتە رۆسیا کو ئینانا سەربازێن کۆریا باکور بۆ شەڕێ ئۆکرانیایێ پێشهاتەکا مەترسیدارە و دێ بیتە ئەگەرێ روودانا شەڕەکێ نوو یێ جیهانی.
وەزارەتا بەرگریێ یا ئەمریکا ئەو یەک ژی دیار کریە، ئینانا سەربازێن کۆریا بۆ رۆسیا نیشا ددەت رۆسیا د شەڕێ ل گەل ئۆکرانیایێ دا ب هزاران سەربازێن خوە ژ دەست داینە و ژ نەچاریێ داخوازا هاریکاریێ ژ کۆریا باکور یا کری، ژ بەر ڤێ یەکێ ژی دڤێت وەلاتێن ئەندامێن ناتۆ پتر ژ جاران هاریکاریا ئۆکرانیایێ بکەن.
