ئەسـەد ب پشتەڤـانیا رۆسیا کـار بۆ نەهـێلانا گـرۆپێن چەکـدار دکــەت
تۆرا سکای نیوز د راپۆرتەکێ دا ئاماژە ب ڤێ یەکێ کریە، بەشار ئەسەدێ سەرۆکێ سووریێ نەڤێت وەلاتێ وی ببیتە مەیدانا شەڕەکێ نوو د ناڤبەرا ئیرانێ و ئسرائیلێ دا و ژ بەر ڤێ یەکێ ژی ب پشتەڤانیا رۆسیا نها بەشار ئەسەد کار بۆ لاوازکرن و نەهێلانا گرۆپێن چەکدارێن سەر ب ئیرانێ ل سووریێ دکەت، چونکی شام وەسا دبینیت بهێزبوونا گرۆپێن چەکدارێن سەر ب ئیرانێ د رەوشا نها دا دێ سووریێ ژی تووشی چارەنڤیسێ لوبنانێ کەت و ژ بەر ڤێ یەکێ ژی شام کار بۆ لاوازکرن و نەهێلانا گرۆپێن چەکدارێن سەر ب ئیرانێ دکەت.
ئەو یەک د دەمەکێ دایە هەفتیا بۆری بەرپرسەکێ وەزارەتا دەرڤە یا سووریێ ژی بۆ دەزگەهێن راگەهاندنێ دیار کربوو ئەو ب هەموو رەنگەکێ کار دکەن پرسێن ناڤخوەیی یێن ل سووریێ چارەسەر بکەن و سووریێ ب چو رەنگەکێ نەڤێت ببیتە پشکەک ژ ئالۆزیێن نها ل دەڤەرێ.
