مۆبایل كلۆخێ مرۆڤێ د شێوینیت
د سەر وێ راستیێ را كو لەشێ مرۆڤان بەردەوام گەشێ دكەت، ل گەل هندێ، ل ڤان سالێن دووماهیێ، تەكنۆلۆژیایێ لەشێ مرۆڤی شێواندیە بێ كو تێبینیێ بكەین. د راستی دا، هندەك ڤەكۆلینان ئاشكەرا كریە كو بكارئینانا مۆبایلێن زیرەك وەكو هندەك رەنگە “شاخ”ان د كلۆخێ مرۆڤی دا دروست كرینە. ب تایبەت مرۆڤێن بچووك.
ئەڤ رەنگە وەرمە ل لایێ پشتی یێ كلۆخی دهێنە دیتن ل سەرێ وی و زانا دیار دكەن كو ل دەف هندەك كەسان ب ئاشكەرا دهێتە دیتن ب تایبەت یێن پرچ رووت.
داڤێت شاهار زانا و نوشدارێ تەختی ل زانكۆیا سەن شاین كوست ل ئوسترالیا بۆ رادیۆیا بریتانیا ئاشكەرا كر كو د بیست سالێن ل سەر كارێ خوە دا تشتەكێ وەسان ل دەف چو كەسان دیار نەبوویە، هەتا ڤان سالێن دووماهیێ نەبیت.
پشتی پەیدابوونا هندەك حالەتێن هوسا یێن نەرێ، ل سالا 2016ێ ڤەكۆلینەك ل كۆڤارا ئەناتۆمی بەلاڤكریە، تێدا ڤەكۆلین ل سەر 218 كەسان هاتیە كرن یێن ناڤبەرا 18 بۆ 30 سالیێ، 41% ئەڤ شاخە ب مەزاناهیا زێدەتری 10 ملیمێترا بوون و یێن 10%ێ ژی گەهشتبوو 20 ملیمێتران.
د بەرامبەر دا، ل 2018ێ دێڤێد شەهار ڤەكۆلینەكا دی ل كۆڤارا نەیجەر، بەلاڤكر تێدا ژیێ ئەو كەسێن ئەڤ راهێنانە ژێ دگریت، بەلاڤكر یا كو 1200 كەس ب خوە ڤەگرتین و ژیێن وان د ناڤبەرا 18 و 86 سالیێ دا بوون، ڤەكۆلین وەسان ب دووماهی هات كو دبیت ئەو شاخ ل دەف وان پشكداران بهێنە دیتن یێن ژیێن وان د ناڤبەرا 18 بۆ 30 سالان دا.
بۆچی ئەڤ شاخە دیار دبن؟
ب گۆرەیی ڤەكۆلەری، ئاریشە د ناڤ ڤان مۆبایلێن زیرەك دا و ب كارئینانا وان یا زێدە د ژیانا مە یا رۆژانە دا، دیسا ژ ئەگەرێ خاركرنا سەرێ مە ل دەمێ بكارئینانێ، ماسۆلكێن سووتی ل بن سەری دهێنە گڤاشتن كو نێزیكی چار كیلۆ و نیڤان د هەلگریت و ئەڤە ب دروستی دبیتە ئەگەرێ دەركەفتنا ڤان شاخان، ئەڤە ئەو جهە دێ گڤاشتن گەلەك دكەڤیتە سەر ل دەمێ خواركرنا سەری. دبیتە ئەگەرێ وێ چەندێ ژی هەستیەكێ نوو دروست دبیت.
ب هەمان رێ، بۆچوون ل هەموو جیهانێ بەر ب هەڤدژیێ نینن، بەلێ دیارە كو ئەڤ دیاردە بەردەوام دێ زێدە بن و د گەشەكرنێ دا بن، ژ بەر هندێ ژی د چەند سالێن بهێت دا دبیت دیار تر بن و كلۆخێ مرۆڤان ب دروستی گوهۆڕین بكەڤیتێ.
