هاتيه نووكرن: كۆمبوونا په‌رله‌مانى بۆ حه‌فتيا بهێت هاته پاشخستن
ئه‌ڤرۆ نيوز:
ئه‌ڤرۆ سپێدى ل ده‌مێ ده‌سپێكرنا روونشتنا په‌رله‌مانێ كوردستانێ ل دۆر دانا باوه‌ريێ ب وه‌زيره‌كێ نوو يێ حوكمه‌تا هه‌رێما كوردستانێ و ته‌مامكرنا دانوستاندنێ ل سه‌ر پرۆژێ سندوقا داهاتێن په‌ترۆل و گازێ ل هه‌رێما كوردستانێ، كێشه‌يه‌ك د ناڤبه‌را سێ ئه‌ندام په‌رله‌مانان دا دروست بوو و بۆ ئه‌گه‌رێ وێ چه‌ندێ روونشتنا په‌رله‌مانى هاته پاشخستن
به‌رى ده‌مه‌كێ كێم دووباره كۆمبوونا په‌رله‌مانێ كوردستانێ ده‌سپێكر و تێدا به‌حس ل سه‌ر وێ بوويه‌رێ كر يا د ناڤا په‌رله‌مانێ كوردستانێ دا روودايى و ئۆمێد خۆشناو ژى سه‌رۆك فراكسيۆنا پارتى ديموكراتى كوردستان راگه‌هاند كو ئه‌و دێ ل گه‌ل هه‌ر بڕياره‌كێ بن ژ لايێ لژنا دووڤچوونا ڤێ كه‌يسێ ڤه ده‌ردچيت و دێ هه‌لويستێ خوه هه‌بيت.
