شه‌رێ سعودیێ كارتێكرن ل گه‌شتێن عومرێ كرن
ئه‌ڤرۆ نیۆز، سالار دۆسكى:
ژێده‌ره‌كى ل وه‌زاره‌تا ئه‌وقاف و كاروبارێن ئاینى ل حوكمه‌تا هه‌رێما كوردستانێ بۆ مالپه‌رێ ئه‌ڤرۆ نیۆز دیاركر كو شه‌رێ وه‌لاتێ سعودیێ و هه‌ڤپه‌یمانێن وێ دژى حوسیێن یه‌مه‌نێ، چوونا وه‌لاتیێن چه‌ند ولاتان بۆ عومرێ راوستاند.
مه‌ریوان نه‌قشبه‌ندى ل وه‌زاره‌تا ئه‌وقاف و كارۆبارێن ئاینى زێده‌تر بۆ ئه‌ڤرۆ نیۆز ئاشكراكر كو فرۆكێن ژ فروكخانێن هه‌ولێر و سلێمانیێ به‌ر ب سعودیێ دچن دێ دبه‌رده‌وام بن ل سه‌ر گه‌شتێن خوه و برنا خه‌لكى بوو عومرێ چونكه بتنێ فرۆكخانێن سعودیێ ل باشورێ وى وه‌لاتى گه‌شتێن خوه راوستاندینه و فرۆكێن هه‌رێمێ د چنه فرۆكخانێن باكورێ وى وه‌لاتى و ئه‌وان په‌یوه‌ندى ب باشورى ڤه نینه.
مه‌ریوانى ئاشكراكر ژى كو فرۆكێن ل سه‌ر ئه‌سمانێ یه‌مه‌نێ هاتن و چوونێ بكه‌ن بۆ سعودیێ دێ راوستن و نوكه گه‌شتێن عومرێ سودان و سعودیێ ژى هاتینه راوستاندن.
