ئەمریکا: ل گەل تورکیا و هێزێن سووریا دیموکرات دانوستاندنان دکەین
جێگرا وەزیرێ دەرڤە یێ ئەمریکا بۆ کاروبارێن رۆژهەلاتا ناڤین د داخۆیانیەکێ دا بۆ دەزگەهێن راگەهاندنێ دیار کر، مخابن نها رەوشا باکورێ سووریێ و دەڤەرێن کوردی ئالۆزە، گرۆپێن چەکدار ب پشتەڤانیا تورکیا ئێرشی کوردان دکەن، مە بەری نها ژی دیار کریە کو ئالۆزیێن ل باکورێ سووریێ د بەرژەوەندیا چو ئالیەکێ دا نینن و دڤێت رەوش یا ئارام بیت و ئەم نها ل گەل تورکیا، سووریێ و هێزێن سووریا دیموکرات د دانوستاندنان داینە و مە دڤێت شەڕێ نها بهێتە راگرتن.
باربارا لیف ئەو یەک ژی دیار کر، مە داخواز ژ تورکیا کریە ئێرشێن خوە بدەتە راگرتن و دڤێت هێزێن سووریا دیموکرات ژی ل گەل شامێ دەست ب قۆناغەکا نوو بکەن، دڤێت پرسێن هەی د ناڤبەرا هێزێن سووریا دیموکرات و شامێ دا بهێنە چارەسەرکرن، ژ بۆ ڤێ یەکێ ژی گرنگە هەموو ئالی ژ بۆ ئارامیێ کار بکەن، چونکی سووریێ د قۆناغەکا هەستیار دایە.
