هەژمارەكا پارزنگەهێن كواشێ هاتنە دائێخستن
دهۆك، لەزگین جوقی:
دەڤەردارێ سێمێلێ دیاركر، هەر پارزنگەهەكا ژێنگەهێ پیس بكەت یان هەر جۆرە كارگەهەك بیت دێ هێتە سزادان و چەندین پارزنگەهێن كواشی هاتنە دائێخستن و كارەب و خزمەت ژ وان هاتنە بڕین.
خەلیل مەحمود، دەڤەردارێ سێمێلێ بۆ ئەڤرۆ خویا كر، هەمی لیژنێن دوووڤچوونا پارزنگەه و كارگەهان هاتنە كاراكرن و گۆت: «هەر كارگەهەكا ل كواشێ ژینگەهێ پیس بكەت دێ هێتە دائێخستن و پێرابوون ل گەل دێ هێنە وەرگرتن».
گۆتژی: «هەتا نوكە 15 پارزنگەه هاتینە دائێخستن، هەر پالاوگەهەكا كار بكەت پێدڤیە ل دووڤ سالوخەت و مەرج و رێنمایان كار بكەت».
