فەرە سترانبێژێن باش و خراب ژێك بهێنە ڤاڤارتن
سولین سلێمان:
سترانبێژ (بروا ئەرسەلان) كو خەلكێ دەڤەرا رەواندزێ یە، د دیدارەكێ دا بۆ رۆژنامەیا ئەڤرۆ گۆت: سترانگۆتن نە كارەكێ ب ساناهی یە، چنكو یا ب زەحمەتە هەتا مرۆڤ بشێت هندەك پەیڤ و ئاوازان ب دەست خوە ڤە بینت هەتا بشێت سترانەكا باش تۆماربكەت و هەكە نە خەلكەك نەیێ نەچارە گوهداریا وێ سترانێ بكەت، چنكو نوكە بینەر و گوهداران سترانێن باش دڤێن.
هەروەسا گۆت: ئەز دگەل وێ چەندێ مە كو لایڤ مۆزیك بۆ سترانبێژان بهێنە دانان، هەروەسا فەرە جهێن شۆلەژێ ژی كونسێرتان بۆ ب دانن، لێ نە بۆ هەموو سترانبێژن، بەلكو بتنێ بۆ یێن باش، چنكو پەیڤا (هونەرمەند) یا مەزنە نابیت ل سەر هەر كەسەكی بهێتە دانان و فەرە سترانبێژێن باش و خراب ژێك بهێنە جوداكرن.
