کچێن دھۆکێ شەترنجێ بۆ دھۆک ناکەن
ئەڤرۆ نیۆز ، قەیس ئیسماعیل:
ھەڤرکیێن قارەمانیا عیراقێ یا یانێن پلا نایاب ب یاریا شەترنجێ ل پارێزگەھا دیوانیە د بەردەوامن، د ڤێ قارەمانیێ دا دو یانێن ھەریمێ “خانزاد یا تایبەت بۆ شەترنجێ و پێشمەرگا سلێمانیێ” د پشکدارن.
د ناڤ رێزێن خانزاد دا، ھەردو یاریکەرێن دھۆکێ موستەفا کەمال جەلالەدین و کارین کەمال جەلالەدین د پشکدارن و یاریکەر ڤین کەمال جەلالەدین بۆ یانا کەھربا یاریێ دکەت.
سەعد کینانی دادڤانەکێ قارەمانیێ یە، دیارکر ھەر سێ یاریکەر ب شێوێ خواستن یاریێ بۆ ڤان ھەردو یانا دکەن ژ بەر نەبوونا چ یانێن پارێزگەھا دھۆکێ د ڤێ رێزبەندێ دا.
زێدەتر ناڤبری دیارکر د ھەڤرکیێن قارەمانیێ دا ھەردو رەگەز پشکداریێ تێدا دکەن و حەفت پێشەکار د پشکدارن د ھەڤرکیێن قارەمانیێ دا “دو یاریکەرا ژ جورجیا و دو ژ ئوکرانیا و دو ژ ئێرانێ و ئێک ژ مسرێ” د پشکدارن د ڤێ قارەمانیێ دا.
