وەهبی سلێمان چاڤ ل دەستكەفتەكێ ئاسیایە
ئەڤرۆ
كوڕێ باژێرێ دهۆكێ و یاریزانێ هەلبژارتیێ ئیراقێ و یانەیا سیناعە یا بەغدایی بۆ یارییا پایسكلان وەهبی سلێمان د قۆناغا بەرهەڤیێن ڕاهێنانان دا یە خوە بەرهەڤكرن بۆ قارەمانییا ئاسیا یا بەریكانەیا پایسكلان ئەوا بڕیارە هەڤڕكیێن وێ ل حەفتییا بهێت وەلاتێ تایلەند مێڤاندارییا وێ بكەت.
ل دور ڤێ یەكێ و دووماهی بەرهەڤیێن وی وەهبی سلێمان بۆ رۆژنامەیا ئەڤرۆ گۆت: بۆ ماوەیێ زێدەتر هەیڤەكە دگەل هەلبژارتیێ ئیراقێ بەرهەڤییان دكەن و بەرنامەكێ ڕێكخستی هاتبوو دانا ژ كەمپێن ڕاهێنانێن یێن دەرڤە و نافخوە، قارەمانیێن جودا پێخەمەت باشترین بەرهەڤی بۆ قارەمانییا ئاسیا ئەوا ئەز ل چاڤەڕێ پێخەمەت دەستڤە ئینانا دەستكەفتەكێ مەزن و هیڤی و ئۆمێدێن من ناسناڤەكە، لێ ئەڤچەندە ژی ب سانەهی نابیت بەرانبەر هەڤڕكییا باشترین یاریزانێن ئاسیا.
هەروەسان ناڤهاتی گۆت: دێ پشكدارییا من دگەل هەلبژارتیێ ئیراقێ وەكو تاكە یاریزانێ دەڤەرا بەهدینان دگەل یاریزانەكێ دی یێ كوردستانی خەلكێ سلێمانیێ یە، گەشبینم بشێم ئەنجامەكێ سەرفەرازبین سەرباری یارییا مە ل سەر ئاستێ پێشكەفتییان و بەریكانەیا ب زیچدەتری 100كم زەحمەتەكا مەزن دێ هەبیت، لێ ئەو پشكداری من د قارەمانییا مێرشینا شارەقە ل وەلاتێ ئیماراتێ كری و پشكدارییا كۆمەكا باشترین یاریزانێن جیهانی كو گەهشتبوونە 165 یاریزانان من رێزا حەفتێ ب دەستڤە ئینا بوویە پالدەر ئەز دڤێ قارەمانیێ دا ئارمانجێن دەستكەفتەكێ باشتر بكەم.
