د پاشكۆیا چامپیۆنزێ دا ریال مەدرید و مانچستەر ستی یارییا ئاگرینە
فدراسیۆنا فوتبۆلا ئۆرۆپا پشككێشان بۆ قۆناغا16 یا پاشكۆ ل باژێرێ نیۆن یێ سویسرا ئەنجامدا ئەوا 16 یانە دێ یاریێن خوە ب شێوەیی هاتنوچوون پێخەمەت دەربازبوونا هەشت ژ وانا یانەیان بۆ قۆناغا 16ێ كەن، پشتی دەربازبوونا هەشت یانەیێن رێزێن ئێكێ هاتین.
ریال مەدرید و مانچستەر ستی د دیدارا ئاگرین دا
پشتی پشككێشان هاتیە كرن ئەنجامێن بڤی شێوەیی بوون.
یاریێن چوونێ – رۆژا سێ شەمبی 11-2 -2025ێ
مانچستەر ستی یا ئنگلتەرایێ- ریال مەدرید یا ئسپانی
یۆڤانتۆس یا ئیتالی- ئایندهۆڤن یا هولەندی.
ستاد برێست یا فرەنسی- پاریس سانجێرمان یا فرەنسی
سپۆرتینگ لەشبۆنە یا پۆرتۆگالی- بۆرۆسیا دۆرتمۆنۆند یا ئەلمانی.
یاریێن چوونێ- رۆژا چارشەمبی 12-2 -2025
كلۆب برۆج یا بەلجیكی – ئەتلانتا یا ئیتالی.
سێلتیك یا ئیسكوتلەندی- بایرن میۆنخ یا ئەلمانی.
فاینۆرد رۆتردام یا هۆلەندی- میلان یا ئیتالی
مۆناكو یا فرەنسی- بەنفیكا یا پۆرتۆگالی.
بۆ زانین یاریێن هاتنێ یێن قۆناغا پاشكۆ دێ ل حەفتییا دووڤدا ئانكو ل 18 و 19ێ ڤێ مەهێ هێنە كرن، پشتی دەربازبوونا هەشت یانەیان دێ قۆناغا 16ێ ل چار و پێنجێ ئادارا بهێت بۆ یاریێن چوونێ، ل 11 و 12ێ هەمان مەهـ دێ یاریێن هاتنێ هێنە كرن، دهێتە چاڤەڕێ كرن ل 31ێ ئەیارا بهێت یارییا دووماهییا چامپیۆنزێ ل یاریگەها ئالیانز ئارینا یا بایرن میۆنخ وەلاتێ ئەلمانییا هێتە كرن.
ئەو یانەیێن ئێكسەر دەربازبووینە قۆناغا 16ێ.
پشتی ب دەستڤە ئینانا رێزێن ئێكێ هەتا هەشت ل سەر لیستا گشتی یا قۆناغا ئێكێ ژ چامپیۆنزێ هەر ئێك ژ یانەیێن، لیڤەرپۆل خودانا سەرێ لیستێ، بەرشەلۆنا، ئارسنال، ئینتەر میلان، ئەتلەتیكۆمەدرید، بایرن لیڤەركۆزن، لیل، ئاستۆن ڤیلا دەربازبووینە قۆناغا 16ێ و دێ چاڤەڕێ هەر هەشت یانەیێن د قۆناغا پاشكۆ بن
