سەرهلدانا بهارا 1991 یا خەلكێ هەرێما كوردستانا ئیراقێ
ئاوارە نێروەیی
ئاوارە نێروەیی
وەكو دهێتە زانین خەلكێ كوردستانا ئیراقێ گەلەك شۆرەش و قوربانیدان ژ پێ خەمەت ئازادی و سەربەستیێ بەرپاكرینە،لێ حوكمەتێن وی دەمی یێن لدویڤ ئێكێن ئیراقێ ستەم ل خەلكێ كوردستانێ دكر دا كو نەگەهنە ماف و سەربەستیا خۆ وەكی نموونە ژی گەلەك جاران ماددەیێن قەدەغەكری ل دژی خەلكێ كوردستانێ بكاردئینا و خەلك ب ڤی ئەگەری گیانێ خوە ژدەستدان.
لێ حوكمەتا ئیراقێ یا وی دەمی شوونا كو دانپێدانێ ب مافێ خەلكێ هەرێما كوردستانێ بكەت لێ وان وەكی هەردەمی هێرشی خەلكی و هێزین پێشمەرگێ كوردستانێ كر هەر ب ڤی ئەگەری خەلك و هێزێن پێشمەرگێ كوردستانێ دەربەرەی سنوورێن توركیا و ئیرانێ بوون، خەلك د وان سنوورێن ڤان هەردو دەولەتان زۆریێ پەریشان و پێچارەببوون، لێ هەڤژینا سەرۆكێ فەرەنسا دانیال میتران گازی هەمی دەولەتان كر كو د هەوارا خەلكێ كوردستانێ بهێن و ژ دەستێن زالمێ سەدامی بینە ژ دەرڤە، ئەوبوو نەتەوەیێن ئێكگرتی ل ( ٣١ /٣ /١٩٩١)ز بریارا (٦٨٨) یا جڤاتا ئاسایشا نیڤدەولەتی دەرئێخست و بۆ چێكرنا دەڤەرەكا ئارام بۆ كوردێن كوردستانا ئیراقێ و ل سەر هێلا (٣٦) و نەتەوەیێن ئێكگرتی لەشكرێ رژێما بەعس سنوورداركر و رێ نەدایێ دەربازی دەڤەرێن دی یێن هەرێما كوردستانێ بیت و ئەڤ بریارە بوو رێخوشكەرەك بۆ دروستكرنا هەرێمەكێ ب ناڤێ (هەرێما كوردستانێ ل ژێر پاراستنا هەڤپەیمانان
دەست كەفتێن سەرهلدانێ:
هەلبەت دڤێت سەرهلدانێ بەرهەمێ خۆ هەبیت و دڤێت ژین و ژیارا خەلكی ئێدی بێتە گوهۆرین .
بەریا هەمی تشتان رێژەیەكا بەرچاڤ یا ئازادیێ بۆ خەلكەكی پەیدابوو و ژ كاڤلانكێ ترسێ دەركەتن ل دویڤ دا كار بۆ هەلبژرتنەكا ئازادانە هاتە ئەنجامدان كو ببوو جهێ حێبەتیا هەمی دەردورا و دەولەتێن هەڤسوی كو ب ئێك دل چوونە سەر سندۆقێن دەنگدانێ ل رۆژا١٩/٥/١٩٩٢ بۆ دو هەلبژارتنان، ئێك یا پەرلەمانێ كوردستانێ و یا سەرۆكێ بزاڤا رزگاریا كوردستانێ هاتنەكرن، هەژی گۆتنێ یە پتر ژ ملیۆن كەس پشكداری دەنگدانێ بوون ب كەیف و سەما قەستا سەر سندۆقان كرن وەكی پیر وپەكەفتی و ژن و زەلام و گەنجان ب گەرم و گۆڕیەكا مەزن پشكداربوون، چونكی ئەڤە جارا ئێكێ یە هەلبژارتن بۆ كوردان دهێتەكرن دویر ژ دەسهەلاتا بەغدا ب ئازادانە، دەنگێ خۆ بدەن و ئەو رۆژ ببوو رۆژەكا دیرۆكی بۆ گەلێ كورد و ل هەمی پارچەیێن كوردستانێ .دەسكەفتكا دی ئەوبوو دروستكرنا پەرلەمانێ كوردستانێ كو ببیتە جهێ دەرخستنا یاسایا و شەریعەتدانانێ. هەبوونا كەسەكێ كورد مینا سەرۆكێ هەرێمێ سەركردایەتیا كوردان بكەت پاشی دروستكرنا حوكمەتەكێ رۆژانەیێن خەلكی برێڤەببەت.
دروستكرنا هێزەكا عەسكەری بەرەڤانیێ ژ دەستكەفتان بكەت ب ناڤێ پێشمەرگەی و دروستكرنا دەزگەهێن ئەولەهیێ بۆ پاراستنا ژیانا خەلكی ب گشتی و سەرەرای هەمی خەلەتی و كێم وكاسیان، نابیت كارێن باش ژی ژبیر بكەین و یا مە ئاماژە پێ كری بۆ مفاوەرگرتن ژ خەلەتیانە. چونكی خەلەتی و هنگافتن رێكەكە بۆ سەركەفتنان، دەلیڤە هێش یا مای، بلا هەمی پێكڤە شەرێ گەندەلیێ بكەن،پێكڤە ئێك دەست و دل بەرهنگاریێ خرابكەری ببن، بلا هەمی پێكڤە ئاڤاكەر بن بهایێن خۆ ژ دەستنەدەن.
