بریتانیا: دڤێت رۆسیا ئاگربەستێ قەبوول بکەت
سەرۆک وەزیرێن بریتانیا دیار کر، دڤێت رۆسیا ئاگربەستێ قەبوول بکەت و ئێدی دەست ژ ئێرشێن خوە یێن ل دژی ئۆکرانیایێ ژی بەردەت، پرۆژەیێ کو ژ ئالیێ ئەمریکا ڤە هاتیە ئامادە کرن و ئۆکرانیایێ ژی قەبوول کریە دشێت ببیتە دەستپێکەکا نوو و گرنگ بۆ راگەهاندنا ئاگربەستێ، لێ دڤێت پۆتین ژی بێی مەرجێن نوو ئاگربەستێ قەبوول بکەت.
کیەر ستارمەر ئەو یەک ژی دیار کر، پۆتینی دڤێت هێشتا ئاریشەیان بۆ ئۆکرانیایێ دروست بکەت و ژ بەر ڤێ یەکێ ژی پۆتین یێ بزاڤان دکەت دەمی د بەرژەوەندیا خوە دا بکار بینیت، لێ وەکو بریتانیا و وەلاتێن ئۆرۆپی ئەو ب توندی هەلوەستێ رۆسیا رەت دکەن، دڤێت پۆتین د زووترین دەم دا پرۆژەیێ ئەمریکا قەبوول بکەت، یا نها پۆتین دکەت دێ کاریگەریا خوە یا خراب ل سەر شێوە و دەمێ راگەهاندنا ئاگربەستێ هەبیت.
