سەمیر عەبدولقادر: ل سەر ئارمانجا خوە د ڕژدین
رەمەزان زەكەریا
د داخویانیەكیەكا تایبەت دا سەرۆكێ یانەیا بەردەڕەش یا وەرزشی ئاشكرا كر بۆ وەرزێ نوو یێ ئەڤسالە تیما مە یا فوتبۆلێ د خولا پلە دو یا كوردستانێ ب رەنگەكێ زۆر باش خۆ بەرهەڤكریە و پێشبینی دكەین ئەڤسالە ب سەركەفتیانە دەربازبینە پلا ئێك و یارییا ئێكێ ئێكەم پێنگاڤا مە یا ڤێ ئارمانجێ یە و ڕژدین ب گەهینێ.
زێدەتر سەمیر عەبدولقادر بۆ رۆژنامەیا ئەڤرۆ گۆت: ئەنجامدانا ئێكەم یاری ل دەستپێكا وەرزێ نوو یێ خولێ یا ب ساناهی نەبوو لێ تیما مە شیا ئاستەكێ باش پێشكەش بكەت ب گەهیتە ئێكەم سێ خالێن یاریێ ب ئەنجامێ 2-1 بەرامبەر یانەیا شارەزوور سەركەڤیت، پێنەڤێت ل دەستپێكا خولێ ب دەستڤەئینانا سێ خالا زۆر یا گرنگ بوو بۆ تیمێ و دێ بیتە ئەگەر مۆرالا یاریزانێن مە بلند بیت بۆ یاریێن داهاتی.
ناڤبری گۆتژی: د وەرزێ ئەڤ سالە دا پێكهاتەیێ تیما مە ژ یاریزانێن نافخۆە و دەرڤە پێكهاتیە و باشترین تیم هەیە ب هیڤیینە د یاریێن داهاتی دا ئەنجامێن باش دەستڤە بینن و بەردەوامبین هەتا دگەهین خولا پلا ئێك ژبەركو ئەڤسالە ئەم ڕژدین بۆ ئارمانجا خوە، ل دووڤ وێ پلانا هاتیە دانان ژلایێ دەستەیا كارگێری و ڕاهێنەر و یاریزانان بەرنامەیەكێ ڕێكخستی هەیە و هەموو بزاڤ بۆ وێ چەندێنە سەركەڤتن بتنێ ڕازیبین.
ل دووماهیێ سەمیر عەبدولقادری گۆت: ب هیڤی نە ئەڤ ئاست و ئەنجامە بۆ یاریێن بهێت وەكو یارییا ڤەكرنا خولێ بیت و دلێ جەماوەرێ خوە خۆش بكەت، ئەوا دشیانێن مەدا بیت وەكۆ دەستەیا كارگێری دێ بۆ سەركەفتنا یانەیێ ئەنجامدەین و دابینكەین.
