ژ ده‌رڤه‌ی وه‌لاتی نه‌شته‌رگه‌رییه‌ك بۆ به‌یار زه‌كی دێ هێته كرن
عەلی حاجی:
د داخویانیەکێ دا سەرۆکێ یانەیا زاخۆ یا وەرزشی بۆ رۆژنامەیا ئەڤرۆ دیار کر هنگاڤتنا یاریزانا وان بەیار زەکی ڤەدگەریت بۆ (ریباگ صلیبی) و ئەو دێ وی یاریزانی ڕەوانەی ژ دەرڤە کەن بۆ چارەسەریێ.
زێدەتر عەمار فەرهاد گۆت: پشتی د خولەکێن دووماهیێ دا د یاریا دناڤبەرا تیما مە و نەفت یاریزانێ مە بەیار زەکی تووشی هنگاڤتنێ دبیت و هەر ئێکسەر ڕەوانەیی نەخوشخانەیێ دهێتە کرن، د وێ شەڤێ دا نەشیان چو پشکنینان بۆ یاریزانی بکەن ژ ئەگەرێ وەرمێ د چوکا وی دا، پشتی دو رۆژان پشکنینان دیار کر کو ئەو یاریزان د پێ خوە دا یێ تووشی (پچیانا بێنەکا خاچین) بوویه، د سەرەدانا خوە دا بۆ مالا یاریزانێ مە بەیار زەکی، گوهدار شێخۆ سەرپەرشتێ ئیدارەیا سەربەخویا زاخۆ پشتەڤانیا خوە بۆ وی یاریزانی دوپاتکر و دیار کر ژی چارەسەریا وی یاریزانی ل کیش وەلاتی هەبیت ڕەوانەیی وی وەلاتی بکەن.
ناڤبری گۆت ژی: ل دووف پێشنیارا مە وەلاتێ قەتەر ژ باشترین جهه ژ به‌ر هەبوونا ئەکادمیێن ئاست بلند و نەخوشخانەیێن گەلەک باش و ئەم دێ پشتەڤانیێ ل یاریزانێ خوە دکەین هەتا کو جارەکادی ژ هنگاڤتنێ ڤەدگەریتە ڤە.
