دیرۆكا رەزێ میری ل ئاكرێ بۆ بەری ١٨٣ سالان ڤەدگەڕیت
رەمەزان زەكەریا:
سینگ هنارا رەزێ میری، ئەو رەزێ بوویە تێكستا سترانا گەلەك هونەرمەندان دیرۆكا وێ بۆ بەری ١٨٣ سالان ڤەدگەڕیت ژ وی دەمی و هەتا نوكە ناڤێ وێ وەك بەرهەمێ وێ مایە ساخ.
خالد حاجی، شارەزا د دیرۆكا رەزێ میری دا، بۆ ئەڤرۆ گۆت: ئەڤ رەزە ژ ناڤێ میری هاتیە، ژبەركو ل سالێن دووماهیا میرنشینا بەهدینان دەمێ كەفتی و ژناڤچوی سالا ١٨٤٢ میرەك لڤێرە بوو (میر محەمەد) پاشایێ مەزن یێ رەواندوزی بوو لسەر كەلا ئاكرێ یا دێرین بوو دەسەلاتداری دكر، ئەڤجا بۆجی دبێژنە ڤێرە رەزێ میری، ئەڤ رەزە یێ میری نەبوو، یێ بنەمالەكا دی بوو روژەكێ میر و كاربەدەستێن وی دهێنە ڤێرە بۆ گەشتەكێ كچەك دیت و دلێ میری كەفتێ لێ عاشق بوو دەما میری دیتی گۆتە خودانێ ڤی رەزی دڤێت ڤێ كچی بدەنە من وەك خەلات وی زەلامی پێ نەخوش بوو، نەڤیا كچا خوە بدەتە میری دوێ شەڤێ دا كەلوپەلێن خوە باركرن و كچەك ل وێرێ نەهێلا میری زانی میر توڕە بوو، سزادانا سەر وان گۆتی ئەڤ رەزە ل جهێ وێ كچی بۆ منە، لەورا ژوی دەمی وەرە هەتا نوكە ئەڤ رەزە بناڤێ رەزێ میری هاتیە بناڤكرن.
