كچەكا زاخۆ مێكئاپێ سروشتی چێ دكەت
هەرهین محەمەد:
ئیمان مەهدی مونیر، كچەكا دەسترەنگینا باژێرێ زاخۆیە و ئەڤە بۆ دەمێ سێ سالانە كارێ چێكرنا شەمالك و سابین و سوراڤ و گەلەك دەرمانێن دی یێن سرۆشتی دكەت و دیدارەكێ دا ب ئەڤرۆ دبێژیت: ئەڤە حەزا من یا زارۆكینیێ بۆ كارەكێ ب ئەڤی رەنگی بكەم، لەورا پشتی من خواندنا خوە ل قوناغا دوازدێ ب دووماهی ئینای ل كولیژێ من (زانستێ كیمیایی) هەلبژارت دا بتر د ئەڤی كاری دا داهێنانان بكەم وەكو چێكرنا دەرمان و دەرزیكێن سرۆشتی.
هەروەسا گۆت: ئەو سابین و زەیتێن ئەز چێدكەم چارەسەریە بۆ راوەستاندنا وەریانا پرچێ و بهێزكرنا پرچێ و سەدەف و ئەكزیما و نەمانا پنیا ل سەر پیستی و پرسكان و ل گەل ئەڤێ چەندێ ژی ئەڤە بۆ دەمەكە رابوویمە ب چێكرنا سوراڤا سرۆشتی بۆ ژنان و هەركارەكێ ئەز بكەم ژی هەموویێ ل جهێ خوە یێ كاری ل پێش چاڤێن خەلكی چێدكەم و دزانن ئەو كەرەستەیێن ئەز دكەمە دناڤ دا هەموو سرۆشتی نە و یێن خۆارنێ نە و ئەڤە بۆ دەمێ هەیڤەكێ یە من سوراڤ چێكری و نوكە ل سەر كاردكەم هەموو مكیاجی دروستبكەم و دشێم بێژم د ئەڤی دەمێ كورت دا من شیایە كارتێكرنەكا مەزن ل سەر كچان بكەم، ب تایبەت بكارهێنەرێن مكیاجی كو پتر مكیاجێ سرۆشتی بكار بینن.
