مامۆستایا من شیانێن پێشكێشكاریێ ل دەف من دیتن
دلۆڤان هالۆ:
پێشكێشكار (ناریڤان مەجید) د دیدارەكێ دا بۆ رۆژنامەیا ئەڤرۆ گۆت: نوكە ئەز پێشكێشكارم ل مایك میدیا ل سلێمانیێ و نووچەیان ب سۆرانی و كرمانجی دخوینم، پێشكێشكاری ل دەف من هەستەكێ خۆشە، چنكو كارەكە ب رێكا وی خزمەتا جڤاكی دهێتە كرن.
هەروەسا گۆت: خێزانا من و هەڤژینێ من پشتەڤانێن من یێن سەرەكی نە و ئەز گەلەك سوپاسیا وان دكەم، هەروەسا ماموستایەكا من گەلەك هاریكاریا من كریە و وێ شیانێن پێشكێشكاریێ ل دەف من دیتن، لەورا دێ هەردەم بزاڤێ كەم خوە پتر پێ بگەهینم، دا دبۆارێ راگەهاندنێ دا پتر كارێ خوە پێشڤە ببەم و رۆلێ خوە باشتر ببینم، هەروەسا دێ بزاڤێ بكەم ب رێكا پێشكێشكرنا نووچەیێن سۆرانی و كرمانجی هەردو دەڤەرێن سۆران و بەهدینان پتر د هەڤدۆ بگەهن، چنكو بێی جوداهی ئەم هەموو كوردین.
