كەلها ئاكرێ شوونوار و دیرۆك
رەمەزان زەكەریا:
كەلها ئاكرێ ئێك ژ كەڤنترین جهێن شوونواری یێن هەرێما كوردستانێ یە ل سالا ١٩٧٠ هاتیە تۆماركرن دناڤ نەخشێ جهێن شوونواری ل عیراقێ، كو دكەڤیتە هنداڤی ئاكرێ یا كەڤن، بلنداهیا وێ ٤٥٠ مەتران لسەر ئاستێ باژێری یێ بلندە و ١٠١٠م ژ ئاستێ دەریایێ بلندە و ١٦ جهێن كەڤنار ل سەرێ كەلهێ هەنە.
نڤیسەر و رۆژنامەڤان (ئازاد مستەفا) بۆ ئەڤرۆ گۆت: كەلها ئاكرێ هێمایەكێ دیروكێ و كەڤناری ئاكرێ یە كو ل ٥- ١١- ١٩٩١ د رۆژنامەیا وەقائیع ئەلعراقیە یا ژمارە ٣٣٠٣ وەك شینوارەكێ گرنگ هاتیە نیاسین و گەلەك شینوار ل سەربانێ وێ هەنە وەك دەرگەهێن كەلهێ و بیر و هول و دیوار و ژورا میری و زیندان و بێرێن ئاڤێ و كورسیك و مەنحوتا كەلێ، جۆكا ئاڤێ یا لسەرێ كانیا پاشای راكێشای بۆ سەرێ كەلهێ ب شێوازەكێ ئەندازیاری و هونەری سولینێن ئاڤێ ژ ئاخێ چێكرینە و تیدا هاتینە بكارئینان یال ڤێرە گرنگ ئەم دبێژین هەتا كو ئاڤا پاقژ د چەند بلندی و نزمییەكێ گەهاندیە گوپیتكا سەرێ كەلهێ، ئەڤ چەندە ژی دیار دكەت كو خەلكێ باژێرێ ئاكرێ هەر د كەڤندا بەری زانا ئەلخەمیدس ب سەدان سالان سەرهەلی ڤێ بنەمایا یاسایی بوویە.
