گوندەكێ ئاكرێ كارەبا 24 دەمژمێری ب رێیا دانانا سیستەمێ تێهنا رۆژێ بۆ خوە دابینكرینە
ئاكرێ، رەمەزان زەكەریا
سال بۆ سالێ وەلاتی زێدەتر پشتبەستنێ ب دانانا سیستەمێ دابینكرنا كارەبێ ب رێیا وزەیا تیشكا خۆری و هەوای د بەستن و مفاداربووینە و سەرێ مەهێ ژی د خەما دابینكرنا پارەیێ كارەبا موالیدە و نشتیمانی دا نینن.
فەیسەل محیەدین-وەلاتیەكێ گوندێ ترپە سپیە بۆ ئەڤرۆ گۆت: مە گەلەك مفا ژ كارەبا سیستەمێ تیشكا خۆرێ دیتیە، دەربارەی كارەبێ نوكە كارەبا مە ٢٤ دەمژمێرا هەیە و زۆرا باشە مە قەرەبوویا نەخۆشی و دەردەسەریا بێ كارەبی و كارەبا موالیدێ ڤە دیتی ژبیركریە.
جەلال عیسا-موختارێ گوندێ تربەسپی بۆ ئەڤرۆ گۆت: پشتی موالیدە ژ كاركەفتی خەلكێ گوندی بریار دا سیستەمێ دابینكرنا كارەبێ ب دانین د ماوەیێ ٢٠ رۆژان دا هەمووان پێكڤە ئەڤ سیستەمێ دابینكرنا كارەبێ ب رێیا وزەیا تیشكا خۆری دانایە شەش پاتری من داناینە ب بهایێ ٢٦ وەرە و نیڤێن دۆلاری ب رۆژ ١٢ تاكو ١٥ ئەمپێرێن كارەبێ ددەت و ب شەڤ شەش ئەمپێرێن كارەبێ ددەت.
ئەرشەد محەمەد عەلی، رێڤەبەرێ كارەبا بەردەرەش بۆ ئەڤرۆ گۆت: هەر وەلاتیەكی ماف هەیە ڤی سیستەمێ كارەبێ ب دانیت چ ل مال یان ژی پرۆژەیەكێ چاندنێ بیت، یان ژی بازرگانی و كۆمپانیا بیت، چ كێشە نینە و هەموو سەرێن هەیڤان كا مە چەند كارەب ژ پرۆژەیێ سیستەمێ یێ زێدە وەرگرتیە دێ بۆ وی هێتە هژمارتن.
