سترانێن نوكە زوو نامینن
سولین سلێمان:
هونەرمەند (جەلال شاكر) كو ئەڤە نێزیكی چل سالانە دبۆارێ مۆزیكێ دا كاردكەت، د دیدارەكێ دا بۆ رۆژنامەیا ئەڤرۆ گۆت: جهێ داخێ یە هەتا نوكە هونەرێ كوردی نەشیایە ژیانەكا باشتر بۆ هونەرمەندان دابین بكەت، لەورا پتریا هونەرمەندێن دی كارەكێ دی دكەن دا ژیانا خوە و زارۆكیێن خوە پێ ب رێڤەببەت.
هەروەسا گۆت: داخوازێ ژ هەموو هونەرمەندان دكەن خوە ژ كۆپیكرنا سترانێن بیانێ دوور بكەن، چنكو بەرهەمێن كۆپیكری زوو نامینن، ب تایبەت ژی ستران چنكو سترانێن كۆپیكری گەلەك نامینن و هەر زوو بەرزە دبن، لەورا پێدڤیە بۆ هەر سترانەكێ پەیڤ و ئاوازێن باش بهێنە هەلبژارتن، چنكو بەرهەمێن بەرێ باش و درەسەن بوون گەلەك دمان، لێ ب مخابنی ڤە یێن نوكە گەلەك نامینن و زوو بەرزە دبن.
