ژ بەر وێنەگریێ خواندنا خوە هێلا
دلۆڤان هالۆ:
مەروان رەمەزان، وێنەگرێ كەنالێ رووداو ل زاخۆ، د دیدارەكێ دا بۆ رۆژنامەیا ئەڤرۆ گۆت: ل سالا 2009 من دەست ب كارێ وێنەگریێ كریە، كو ل وی دەمی ژیێ من شازدە سال بوون، ل وی دەمی ب كامیرەیەكا بچووك من دیمەنێن زاخۆ وێنە دكرن و ل یۆتیۆپی بەلاڤ دكرن و ژبەر حەزا من بۆ كارێ وێنەگریێ من دەست ژ خواندنێ بەردا و سالا 2011 چوومە كەنالێ چارچرا كارێ بەخشی و دەرهێنانا بەرنامەیێن زیندی و وێنەگریێ و مۆنتاژی و گرافیكێ كر.
هەروەسا گۆت: د دووڤدا چوومە كەنالەكێ دی و ئەڤە چارسالن ژی بۆ رووداو كاردكەم و ئێكەم كەسێ هاریكاریا منكری و ئینایمە دناڤ راگەهاندنێ دا ماموستا (زیرەك سەدیق) بوو، بۆ زانین دەمێ من دەست ب وێنەگریێ كری من هزر نەدكر كو دێ داهاتەك بۆ من ژڤی كاری هێت، لێ سوپاس بۆ خودێ داهاتێ ژیانا من هەموو ل سەر ڤی كاری یە.
