گه‌له‌ك یا جوانه ستران ب ته‌كنیكه‌كا نوی بهێته نووكرن
هه‌رهین محه‌مه‌د:
سترانبێژێ گه‌نج هونه‌ر به‌رواری د دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ دیاركر كو چوونا ده‌واتان باشیێن خوه هه‌نه و راهێنانه‌كه بۆ ده‌نگێ مرۆڤی گۆت: ل ده‌واتان ژی پتریا جاران سترانێن هونه‌رمه‌ند عه‌بدولواحدی دبێژم وداغبارێ ده‌نگێ وی مه ، چونكۆ گه‌له‌ك جاران دهاته نك بابێ من لمال و ئه‌وی ژی گه‌له‌ك جاران مه‌قام (حیجاز و كارد) دگۆت من ژی گه‌له‌ك حه‌ز ژ ستایلێ وی كر ب تایبه‌تی ده‌واتان و گه‌نجێن مه‌ژی نوكه گه‌له‌ك ئه‌وان مه‌قاما دبێژن و دیسان سترانێن به‌رێ چو جاران نامرن و گه‌له‌ك یا جوانه ژی ب ته‌كنیكه‌كا نوی بهێنه نویكرن و گۆتن، به‌لێ ب مه‌رجه‌كی گوهۆرینێ دپه‌یڤ و ئاوازێ دا نه‌هێته‌كرن و وه‌كو خودانێ سترانێ بهێته گۆتن، به‌لێ ب مخابنیڤه هنده‌ك جاران دبینم كلیپ دهێنه چێكرن و ده‌ستكاری یا د په‌یڤان دا هاتیه مرن و ل وی ده‌می گه‌له‌ك پێ تێك چم، چونكو خۆدانێ سترانێ ده‌مێ سترانێ دبێژیت و گه‌له‌ك خۆش یا گۆتی و ژبه‌رخۆشیا سترانێ ئه‌و سترانه یا هاتیه نویكرن و ئه‌گه‌ر ده‌ستكاری دسترانێ دا بهێته‌كرن ژنوی نه‌خوەش دبیت و تاما خوه یا به‌رێ ژده‌ست دده‌ت.
هونه‌ری زێده‌تر گۆت: هه‌تا راده‌كی ئەز شیایمه په‌یاما خوە بگه‌هینم ئه‌و ژی ب رێیا چوونا ده‌واتان و چێكرنا كلیپان و هه‌ردیسان سوشیال میدیا ژی رێیه‌كا گه‌له‌ك باشه مرۆڤ هونه‌رێ خوه تێدا نیشانده‌ت و گه‌له‌ك كێم سوشیال میدیایێ بكار دئینم، چونكو یێ بكارم و به‌رده‌وام دچمه داواتان و دبیت من ئه‌و ده‌م نه‌بیت و ده‌مێ من ده‌م هه‌بیت كارێن خوه یێن هونه‌ری تێدا به‌لاڤدكه‌م و به‌رسڤا نامێن خه‌لكی دده‌م كا ئه‌وان چو داخازی و ره‌خنه هه‌نه.
