شێروانه نێزیكی ناسناڤییه و هیڤیێن زاخۆ لاواز بووینه و ئاكرێ دووركه‌ڤت
قەیس وەیس:
ب دووماهی هاتنا یاریێن گه‌ڕا 25ێ ژ هه‌ڤڕكیێن خولا پلا نایابا كوردستانێ یا فوتبۆلێ تا ڕاده‌یه‌كی سه‌رۆسیمایێ قاره‌مانا وه‌رزێ ئه‌ڤ ساله هاتییه دیاركرن و دبیت د گه‌ڕا بهێت دا ناسناڤێ وه‌رزێ ئه‌ڤ ساله بهێته ئێكلا كر، ژلایه‌كێ دووڤه سێ یانه بۆ پاشڤه‌چوون به‌ر ب پلا ئێكێ د به‌ربژارن پشتی یانه‌یا سه‌ید سادق ب فه‌رمی پاشڤه‌چووی.
كی دێ بیته قاره‌مان
ل دووڤ ڕێزبه‌ندییا نوكه تیما یانه‌یا شێروانه یا سلێمانیێ تا ڕاده‌یه‌كێ باش خوه نێزیكی ده‌ستڤه ئینانا ناسناڤێ وه‌رزێ ئه‌ڤ ساله یێ خولێ كرییه ئه‌وا 50 خال كۆمكرین رێزا ئێكێ دهێت، ژلایێ خوه‌ڤه هه‌ردو یانه‌یێن زاخۆ و پێشمه‌رگه‌یێ هه‌ولێر خودان 43ێ خالن ئانكۆ ب جووداهییا حه‌فت خالان، بتنێ سێ یاری ماینه دێ وه‌رزێ ئه‌ڤ ساله ب دووماهی هێت، شێروانه بتنێ ئێك خال دڤێت ژبۆ مسۆگه‌ر كرنا ناسناڤێ ئه‌ڤ ساله، لێ هه‌كه‌ر تووشی خوساره‌تیێ دهه‌ر سێ یاریێن خوه دا بوو دێ چاڤه‌ڕێ سۆپرایزا بین.
ژلایه‌كێ دووڤه یانه‌یا ئاكرێ ئه‌وا ل ده‌سپێكا خولێ ب هیڤی و ئارمانجێن مه‌زن یێن پاراستنا ناسناڤێ خوه یێ وه‌رزێ بۆری كرین، لێ ئه‌و هه‌موو هیڤییه د ئاڤێ دا چوون و نه‌شیا هه‌ڤڕكیێ بكه‌ت ئه‌وا نوكه رێزا حه‌فتێ دهێت ب32 خالان و هیڤیێن ناسناڤێ نه‌ماین.
سێ یانه لبن ترسا پاشڤه‌چوونێ دا نه
هه‌رچه‌نده یانه‌یا سه‌ید سادق ئه‌وا د قۆناغا ئێكێ دا خوه ژ خولێ ڤه‌كێشایی و ئارارات ئه‌وا ده‌ستپێكا خولێ خوه ڤه‌كێشایی ل دووڤ بڕیارا فدراسیۆنا فوتبۆلا كوردستانێ پاشڤه‌چووینه پلا ئێك، لێ د وه‌رزێ ئه‌ڤ ساله دا بریاره چار یانه پاشڤه‌بچنه پلا ئێك و دو یانه‌یێن پلا ئێك بهێنه جهێ وان، له‌وما ژی دو یانه‌یێن دی ژی به‌ربژارن بۆ پاشڤه‌چوونێ و شه‌ڕدناڤبه‌را چه‌ند یانه‌یان ژبۆ پاراستنا مانا خوه دكه‌ن
هه‌لوه‌ستێ گشتی پشتی بۆرینا گه‌ڕا 25ێ بڤی شێوه‌یه.
1- شێروانه 50 خال.
2- زاخۆ 43 خال.
3- پێشمه‌رگه‌یا هه‌ولێر 43 خال.
4- هندرین 35 خال.
5- ده‌ربه‌ندیخان 34 خال.
6- سیروانی نوو 34 خال.
7- ئاكرێ 32 خال.
8- چوارقۆڕنه 30 خال.
9- ڕزگاری 30 خال.
10- پیشه‌سازی 28 خال.
11- برایه‌تی 27 خال.
12- ڕانیه 27 خال.
13- هه‌ولێر 25 خال.
14- شه‌قلاوه 22 خال.
15- سه‌ید سادق پێنج خال.
یاریێن گه‌ڕا 26ێ بڤی ڕه‌نگی نه
چارشه‌مبییا بهێت، شێروانه- ده‌ربه‌ندیخان، پیشه‌سازی- هه‌ولێر، ڕزگاری- شه‌قلاوه، پێنج شه‌مبییا بهێت زاخۆ- سیروانی نوو، ڕانیه- ئاكرێ، برایه‌تی- چوارقۆڕنه، یارییا هندرین و سه‌یدسادق ناهێته كرن و دڤێ گه‌ڕێ دا پێشمه‌رگه‌یا هه‌ولێر چاڤه‌ڕێ یه.
