ئەڤرۆ كلیپا (حەلیمێ) دێ هێتە بەلاڤكرن
دلڤین رەشید:
سترانبێژ(دلگەش حازم) د دیدارەكێ دا بۆ رۆژنامەیا ئەڤرۆ دیاركر كو ل نێزیك ئەو دێ كلیپەكا فلكلۆری ب ناڤێ (حەلیمێ) بەلاڤ كەت، كو ب سێ رتمێن جودا هاتیە گۆتن، ل دەستپێكێ مەوالەك دهێتە گۆتن، پاشی دبیتە یا داوەتان.
ناڤهاتی گۆت: نەه كەس وەك ئەكتەر د كلیپێ دا د پشكدارن، پێنج كچن و چار كوڕن، ل گوندێ موسەكا هاتیە وێنەكرن، سوپاس بۆ موختار و خەلكێ گوندی كو گەلەك دگەل مە دهاریكار بوون، مەرەما مە یا سەرەكی ژ ڤان جۆرە سترانان ئەوە ئەم وەك گەنج بشێین كلتۆرێ خوە ب پارێزین، چنكو د ڤان قوناغێن دا و ل سەردەمێ جیهانا مۆردێن هێدی هیدی ئەڤ كلتۆرە یێ دهێتە ژبیركرن.
