ئارمانجا من ساخكرنا كلتۆرێ ئێزدیانە
موسا خالد:
شێوەكار (دلدار خدیدە سلۆ) د دیدارەكێ بۆ رۆژنامەیا ئەڤرۆ دیاركر كو ئەو خەلكێ دەڤەرا باعەدرێ یە، دەرچوویێ زانكۆیا دهۆك پشكا شێوەكاری یە و نوكە ماموستایە ل ئامەدەیا باعەدرێ، نێزیكی پازدە سالانە كارێ هونەری دكەت و پتریا كەڤالێن وی دەربڕینێ ژ سروشتێ جوانێ كوردستانێ و كەلتورێ ئێزدیان دكەن.
ناڤهاتی گۆت: هەر ژ زارۆكاتیا خوە من حەزا هونەرێ شێوەكای هەبوویە، هەڤال و مامۆستا و مالباتا من پشتەڤان و د هاریكار بوون كو بەردەوامیێ ب ڤی كاری بدەم هەتا بشێم بگەهمە ئارمانجێن خوە، نوكە ژی وەك شێوەكارەكی ئەكادمیی كار دكەم، من شێوازەكێ تایبەت هەیە، ئەوژی سروشت و كلتۆرێ ئێزدیان ب گشتی كو ب شێوازەكێ سەردەم دورست بكەم، بەردەوام بزاڤان دكەم داكو ل پاشەرۆژێ كارێ خوە باشتر لێ بكەم و تەكنیكێن جودا تێدا بكاربینم و ئارمانجا من من نیشادان و ساخكرنا كلتۆرێ ئێزدیانە.
