عەبدولقەهار زاخۆیی دێ سترانەکا دوقۆلی ل گەل دیلانارێ بەلاڤ کەت
هونەرمەندێ ناڤدارێ ئیدارەیا سەربخوە یا زاخۆ عەبدولقهار زاخۆیی دیار کر کو ئەز نوکە مژوولی تۆمارکرنا سترانەکا ئەڤینی مە کو ب شێوێ دوو قۆلی لگەل هونەرمەند دیلانارێ پێکڤە دێ بێژین.
هونەرمەندێ ناڤهاتی، ئاماژە ب وێ چەندێ ژی کر کو ئەڤ سترانا ئەڤینیێ چیرۆکەکا ڕاستی یا دوو کەسانە ل وەلاتێ مە دژین، هەر دوو کەس حەز ژ ئێكدوو دکەن و گەلەك دوعا دکەن کو هەمی دەمان پێکڤە بژین و هەتا مرنێ لگەل ئێك بن.
عەبدولقهار زاخۆیی گۆت ژی:» ل دەمەکێ نێزیك دێ ئەڤ سترانە هێتە بەلاڤکرن، و دیارییە بۆ هەموو جەماوەر و خەلکێ مە».
