ئەو رۆلێن ئەز پێ رابوویم پتر ل گەل ژیانا من دگونجن
بێوار حەمدی:
ئەكتەرێ گەنج (گۆڤەند بەهزاد) كو ب (تیتۆ) دهێتە نیاسین، د دیدارەكێ بۆ رۆژنامەیا ئەڤرۆ گۆت: ئەز دەرچۆیێ پەیمانگەها هونەرێن جوانم/ پشكا شانۆیێ و هەتا نوكە من پشكداری د گەلەك كارێن هونەری دا كریە، لێ ئەو درامایێن من رۆلێن باش تێدا دیتین (سنۆر، كەسەر) بوون كو خەلكەكێ زۆر ئەز پێ نیاسیم.
هەروەسا گۆت: پتریا ئەكتەران حەزدكەن رۆلێن سەرەكی دناڤ درامایان دا ببینن، ب تایبەت ئەوێن خودان بەهرە و من ژی ئەو حەزە هەیە، لێ هەتا نوكە ب رۆلێن خوە یێ رازیمە، ژبەركو ئەو رۆلێن ئەز پێ رابوویم پتر ل گەل ژیانا من دگونجن، بۆ دەمێ بهێت ژی مە هزر د گەلەك كارێن هونەری دا كریە و دێ یێ بەردەوامبم و داخوازا سەركەفتنێ بۆ هەموو هونەرمەندان دكەم.
