سه‌ركردێ له‌شكرێ به‌ریتانى: دڤێت هێزێن په‌یاده ده‌ست ب هێرشان سه‌ر داعشێ بكه‌ن
ئه‌ڤرۆ نیۆز:
سه‌ركردێ به‌رێ یێ له‌شكرێ به‌ریتانێ جه‌نه‌رال دێڤید ریتچاردز گۆت: هێرشێن ئه‌سمانى دچى داعشێ شه‌رى ب دووماهى نا ئینیت و ئێكلا ناكه‌ت، دڤێت یه‌كه‌یێن له‌شكرى پشكداریێ دهێرشێن ئه‌ردى دا بكه‌ن، بۆ هندێ پشته‌ڤانیا وان هێزان ب دروستى بهێته كرن یێن بكارێ به‌رسینكگرتنا داعشێ رادبن، هه‌ڤده‌م ره‌خنه‌یێن دژوار ل رۆلێ توركیا و پێداگیریا وێ ب مه‌رجێن تایبه‌تێن سیاسى یێن پشكداریا وێ دشه‌رێ دژى داعشێ گرتن، وب تڕانه‌كرنڤه پرسیار كر بۆچى ئه‌و رێیێن ب فێل و فند یێن ته‌قلیدى ب كارنائینیت؟.
ریتچاردز هه‌روه‌سا دوپاتكر، سه‌ركه‌فتنا ل سه‌ر داعشێ ب ته‌مامى نابیت بتنێ هێرشێن ئه‌سمانى بهێنه ئه‌نجامدان و گۆت: قانونێن شه‌رى دیار و ئاشكرانه، به‌رى نوكه من گوتبوو و هه‌روه‌سا جه‌نه‌رال مارتن دیمبس سه‌رۆ ئه‌ركانێ له‌شكرێ ئه‌مریكى ژى گۆتن، بتنێ بهیرَشێن ئه‌سمانى سه‌ركه‌فتن نا بیت، ئه‌ڤه‌ژى كاره‌كێ زۆر گرنگه چونكى فرۆكه‌ڤانه‌ك د ناڤ فرۆكا خوه‌دا نه‌شێت كونترۆلا ئه‌ردێ بكه‌ت و پاراستنا وى ئه‌ردێ بكه‌ت دڤێت هێزێن په‌یاداه ب ڤى رۆلى رابیت.
سه‌باره‌ت مه‌رجێن وه‌لاتێ توركیا ریتچاردز گۆت: داخوه‌یانیا وه‌لاتێ توركیا ل سه‌ر زاێ سه‌رۆك وه‌زیرێن توركیا ئه‌حمه‌د داود ئۆغلوى ب ئاشكرایى حه‌زا وه‌لاتێ خوه بۆ دابینكرنا ده‌ڤه‌ره‌كا دژفرین یا سنورى ل گه‌ل سوریا و نه‌هێلانا رژێما به‌شار ئه‌سه‌دى ل سه‌ر ده‌ستهه‌لاتێ مه‌رجێن سه‌ره‌كى نه بۆ پشكداریا توركیا دژى شه‌رێ داعشێ، و گۆت ل گۆڕ دیتنا من ئه‌ڤ مه‌رجه یێن سیاسى نه و بۆچى بڤێ ساده‌یێ ڤه توركیا نیازێن خوه ئاشكرا دكه‌ت رێیێن ب فێل و فند هه‌نه ئه‌ڤ ئارمانجه بهێنه بجهئینان.
