باشترین رێیێن رێگریێ ل دوگیابوونێ چنە؟
د. چنار مستەفا ئامێدی، تایبەتمەندا نەخۆشیێن ژنان و زارۆکبوونێ دیارکر، هەلبەت ژن نەهـ چاڤەرێی پەیدابوونا زارۆکی دبیت، ئەڤجا چ ب رێکا سرۆشتی، کو باشترە، یانژی ب رێیا نشتەرگەریێ، ل دەمێن پێدڤی، پشتی چلکێن وێ ب دووماهی دهێن، سەرەدانا نۆشداری دکەن داکو گەنگەشێ بکەن ل دۆر “مانعی” و گۆت: بابەتێ رێگریێ ل زارۆکبوونێ گەلەک یێ گرنگە بو وێ چەندێ ژن پلانا خوە بدانیت ب کێماتی دو سالان وێ چ زارۆکێن دی نەبن.
د. چنار مستەفا دیارکر گرنگیا بابەتی د وێ چەندێ دایە کو هەکە بەری هینگی دو یان سێ نشتەرگەری کربن و ئەڤێ جارێ ژی ب رێیا نشتەرگەریێ پەیدابوو، نابیت ئەو “لولب”ی دانیت، دێ بۆ شرۆڤەکەین کو هەکە شیرێ خوە بدەتە زارۆکی دێ حەبێن رێگریێ دەینێ، داکو شیرێ وان کێم نەبیت، یانژی دێ لەزقا ملی بۆ هێتە دانان، یانژی دەرزیا هەر سێ هەیڤا جارەکێ دێ بۆ هێتە دانان، یانژی دشێت کۆندومی ب کاربینیت و گۆت: هەر جورەکێ “ مانعی” ل دووڤ مالبچووکێ ژنێ و عەمرێ وێ و جورێ ژدایکبوونێ” سرۆشتی یان نشتەرگەری”یە و هەموو باشی و خرابیێن جورێ “ مانعی” دڤێت بۆ ژنێ بهێنە دیارکرن.
بو نموونە هەکە ژن حەبا ب کاربینیت دێ بو هێتە دیارکرن کا کەنگی پێدڤیە دەست ب وەرگرتنێ بکەت و چاوا بخۆت و گۆت: بو نموونە پێدڤیە هەر 24 سعەتا حەبەک بهێتە خوارن و هەکە ڕۆژەکێ ژبیرکر، پێدڤیە رۆژا د دووڤدا دو حەبا بخۆت، یان دێ بو دیارکەین هەکە دو ڕۆژا سەرئێک نەخار دێ دوگیان بیت، یان دێ خوینبەربوون بۆ پەیدابیت.
د. چنار مستەفا، ئەوژی دیارکر کو هەکە “لولب”هاتە دانان، دێ بۆ دیارکەین کو دو جور یێ هورمونی و سرۆشتێ هەنە، و گۆتژی: هەکە مالبچووکێ ژنێ یێ وەرمتی بیت و هەر خوینبەربوونا ڤەبر بو پەیداببیت، ئانکو “ تێکچوونا هومونی” هەبیت، ئەم ئامۆژگاریا لێدکەین کو ژ جورێ “ هورمونی” بدانیت، چونکو ژبلی رێگریێ ب کارێ چارهسەریێ ڕادبیت، شەش هەیڤێن دەستپێکێ عادەیا وێ یێ تێکچیت و دبیت درێژبیت یان نەبینیت، یان کێمخوینێ ببینیت.
دەربارەی لەزقا ملی، پێدڤیە دیسا بۆ ژنێ باشیێن وێ و دەمێ “ ئێکسپایربوونا” وێ دیاربکەین و رەنگە دانانا وێ ببیتە ئەگەر کو نەبینیت یان زوی پاقژنەبیت، رەنگە ژی ب رێیا زەلامی بیت کۆندوم بهێتە ب کارئینان و چاوانیا ب کارئینانێ.
ل دووماهیێ دیارکر کو رێگریکرن ل زارۆکبوونێ هندەک دەلیڤا گەلەک یا گرنگە بۆ ساخلەمیا دایکێ و دا بشێت چاڤدێریا زارۆکێ خوە بکەت.
